FIFA yateye utwatsi ubusabe bwo gusubiramo umukino wahuje Algérie na Cameroun.

Ikipe y’igihugu ya Algérie mu mikino yo gushaka itike yo gukina igikombe cy’Isi, yagaragaje ko itishimiye imisifurire ndetse itanga ikirego isaba ko umukino wabahuje na Cameroun wasubirwamo.
Kuri uyu wa Gatandatu, tariki ya 7 Gicurasi 2022, Impuzamashyirahamwe y’Umupira w’Amaguru ku Isi FIFA, yasubije ishyirahamwe ry’umupira w’Amaguru muri Algérie ko icyifuzo cyabo cyo kongera gukina uyu mukino kidashoboka.
Ubundi umukino wahuje Algérie na Cameroun ku wa 29 Werurwe 2022 wari warangiye ari 1-2 bya Cameroun, bituma Algérie isezererwa mu makipe yagombaga kwishakamo atanu azitabira igikombe cy’Isi kizabera muri Qatar muri uyu mwaka.
Kuva mu makipe azitabira igikombe cy’Isi cya 2022 kuri Algérie byatumye itanga ikirego muri FIFA, igaragaza ko itishimiye imisifurire ya Bakary Gasama kuko bemezaga ko biri no mu byatumye basezererwa.
Igitego cyasezereye Algérie nicyo cyasembuye uburakari bw’ubuyobozi bw’Ishyarahamwe ry’Umupira w’Amaguru muri iki gihugu cyane ko cyatsinzwe mu minota y’inyongera, gitsinzwe na Karl Toko Ekambi.
Umutoza Djamel Belmadi yamaganye imyitwarire ya Gambia Bakary Gassama n’imisifurire yo muri Afurika muri rusange.
Ibi birego byateje impaka zikomeye ku buryo ku ya 25 Mata 2022, Tony Chapron wahoze ari umusifuzi w’umufaransa yibasiye Djamel Belmadi mu kiganiro cyatambutse kuri Canal Plus, asabira ikipe ya Algérie ko yahagarikwa igihe gito bitewe n’ayo magambo ye n’imyitwarire bari bagaragaje nyuma y’umukino.
Nubwo iyi kipe yari yasabye ko uyu mukino wo kwishyura wasubirwamo, FIFA yabiteye utwatsi ahubwo iheruka guhanisha Algerie amande ya miliyoni zisaga 3 Frw, kubera guteza umutekano muke ku kibuga.
Ni ibihano byatangarijwe hamwe n’ibyafatiwe andi makipe atandatu atandukanye yo muri Afurika bijyanye n’uburyo yitwaye mu mikino yo gushakisha tike y’igikombe cy’Isi cya 2022.
Ikipe y’igihugu ya Cameroun iri mu rya Itsinda G aho iri kumwe na Brésil, u Busuwisi na Serbia.
Umugabane wa Afurika muri iki gikombe uzaba uhagarariwe na Sénégal inahabwa amahirwe muri iki gikombe, Cameroun, Tunisie, Morocco na Ghana.

Hari abantu bafite ubumuga cyangwa babayeho mu buzima bugoranye bashaka ko amateka yabo ahindurwa abari ibicibwa bakaba ab’umumaro mu muryango.

Aho uri hose ufite ikibazo cyanze gukemuka cyangwa Uzi umuntu ubayeho mubuzima bugoranyecyane, umuntu abantu bibazaho bamugereranya n’ibintu bibaho twe inkanga.com twiteguye kubakorera ubuvugizi.

Mwatwandikira/Mwaduhamagara kuri WhatsApp 0788847956 maze mukatubwira aho abantu nk’aba baba bakeneye ubufasha baherereye tukabakorera ubuvugizi.

Hari n’andi makuru ushaka gutanga watwandikira

Murakoze

Leave a Reply

Your email address will not be published.